"Нант" устози Луиш Каштру машғулот пайтида тизза боғламларини шикастлаб олди.
Воқеа жума куни тушдан кейин француз клуби базасида содир бўлган. Каштру жароҳат олганида мураббийлар штаби билан футбол ўйнаётган эди.
Қайд этилишича, дастлаб олдинги хочсимон боғламнинг ёрилишига шубҳа қилинган, бироқ кейинчалик боғламлар жиддий чўзилгани маълум бўлган.
Эслатиб ўтамиз, кеча "ПСЖ" устози Луис Энрике велосипеддан йиқилиб, ўмров суягини синдириб олган эди.













