Франция терма жамоаси бош мураббийи Дидье Дешам "ПСЖ"нинг норозилигига муносабат билдирди. Аввалроқ, парижликлар баёнот бериб, терма жамоада Усмон Дембеле ва Дезире Дуэнинг соғлиғи бўйича тавсияларни эътиборсиз қолдирганидан афсусда эканликларини билдиришган эди. Футболчилар Украинага қарши ўйнади ва жароҳат олди.
"Тиббий хулосаларни олганимизда футболчиларнинг аҳволидан хабардормиз. "ПСЖ" реакциясини тушунаман. Аммо футболчилар майдонда экан, хавф нолга тенг бўлиши мумкин эмас. Ўйингача бўлган бир ҳафта давомида бунга жиддий ёндашдик. Ҳар бир машғулот олдидан футболчи ўзини қандай ҳис қилаётганини сўрадик", - дея Дешамнинг сўзларини келтиради L'Equipe.
9 сентябрь, сешанба куни Франция терма жамоаси Исландияга қарши баҳс олиб боради.
