"Манчестер Юнайтед" клуби "Брайтон" ярим ҳимоячиси Карлос Балебани ўз сафига қўшиб олмоқчи.
Журналист Шон Конноллининг таъкидлашича, январь ойида "қизил иблислар" 21 ёшли камерунлик футболчи учун курашда барча рақобатчилардан ўзиб кетиш учун 115 миллион евро таклиф қилишга тайёр. Балебанинг ўзи еврокубоклар бўлмаган тақдирда ҳам Рубен Аморим лойиҳасига қўшилишни истайди. Хавбек аллақачон "Брайтон" раҳбариятидан ўзи бўйича ҳар қандай муносиб таклифни қабул қилишни сўраган.
Бу мавсумда Балеба барча турнирларда тўртта ўйин ўтказди ва самарали ҳаракат қилмади. Футболчининг "чайкалар" билан шартномаси 2028 йилгача мўлжалланган.
