"Кристал Пэлас" марказий ҳужумчиси Жан-Филипп Матета қишда "бургутлар" сафини тарк этиши мумкин. Футболчига АПЛнинг учта клуби қизиқиш билдирган.
Caughtoffside хабарига кўра, 28 ёшли француз "Лидс", "Ньюкасл" ва "Астон Вилла"нинг трансфер мақсадига айланган. Ушбу клублар қишки трансфер ойнасида Матета учун "Кристал Пэлас"га расмий таклиф билан чиқмоқчи.
Қайд этилишича, "бургутлар" раҳбарияти ўз форвардини 46 млн еврога баҳоламоқда. Ўтган мавсумда Матета "Кристал Пэлас" сафида 46 та ўйинда 17 та гол ва 4 та голли узатмани амалга оширди.
Жорий Англия чемпионатида франциялик футболчи уч турда битта гол урди. Матетанинг клуб билан шартномаси 2027 йилнинг ёзида якунига етади.
