Қозонда давом этаётган бутунжаҳон универсиада мусобақаларининг дзюдо баҳсларида ўзбекистонлик спортчи финал йўлланмасини қўлга киритди.
81 килограммгача вазн тоифасида татамига чиқадиган Яҳё Имомов рақибларини кетма-кет равишда мағлубиятга учратиб финал йўлланмасини қўлга киритди. Имомов аввалига мўғулистонлик, кейин хитойлик, чорак финалда франциялик рақибларини мағлубиятга учратди. Ярим финалда эса венгриялик Ласло Кшокнянни муддатидан олдин мағлубиятга учратди.
Энди Имомов финалда япониялик Таканоре Нагасега қарши гиламга чиқади. Учрашув Тошкент вақти билан 17:00га белгиланган.
Яна бир дзюдочимиз Дилшод Чориев эса 90 кг.гача вазн тоифасида аввалига украиналик Станислав Ретинскийга, кейинчалик эса бронза медал учун ўтиш учрашувларида қирғистонлик Чингиз Мамедовга ютқазиб курашдан чиқди.