Англия Премьер-лигаси ўзининг расмий сайтида "Манчестер Сити" билан бўлиб ўтаётган жараён ҳақида маълумот берди. Аввалроқ топ-клуб ассоциацияланган томонлар билан келишувлар бўйича АПЛ қоидаларидан норозилик билдирганди. Якунда АПЛ ва "Манчестер Сити" тортишувни тўхтатиш бўйича келишувга эришди.
"Премьер-лига ва "Манчестер Сити" клуб томонидан аввалроқ АПТ қоидалари бўйича бошланган арбитраж бўйича келишувга эришди. Томонлар ишни тўхтатишга келишиб олди," - дейилади лига баёнотида.
"Манчестер Сити" Премьер-лига қоидаларини амалдаги ва бажарилиши мажбурий деб тан олди, дейилади пресс-релизда.
Шу билан бирга, АПЛ ва "Манчестер Сити" бу борада бошқа ҳеч қандай изоҳ бермасликка келишиб олди.
"Манчестер Сити" Англия чемпионатининг ўтган 3 турида 3 очко жамғарди.
