Жаҳон чемпионати–2026 Европа саралаши 2-туридан ўрин олган Беларусь — Шотландия учрашуви якунига етди. Унда шотландлар 2:0 ҳисобида ғалаба қозонди. Ўйин Венгриянинг Залаэгерсег шаҳридаги «Зи-Ти-И Арена» стадионида ўтказилди.

43-дақиқада Че Адамс ҳисобни очди. 65-дақиқада эса Захар Волков ўз дарвозасига гол уриб қўйди.

Бу ўйиндан кейин Беларусь “C” гуруҳи турнир жадвалида ҳалигача очко тўплай олмай, 4-ўринда қолди. Шотландия эса 4 очко билан 2-ўринни эгаллаб турибди.

Кейинги турда Беларусь 9 октябрь куни Данияга қарши баҳс олиб боради. Шотландия эса худди шу куни ўз майдонида Грецияни қабул қилади.

ЖЧ–2026. Европа. “C” гуруҳи. 2-тур
2025 йил 8 сентябрь, душанба. 23:45
Беларусь — Шотландия - 0:2
Голлар: 0:1 — Адамс (43’), 0:2 — Волков (автогол, 65’)