Франция терма жамоаси бош мураббийи Дидье Дешам парижликлар ҳужуми вакиллари Усмон Дембеле ва Дезире Дуэнинг терма жамоадаги жароҳатлари фонида "ПСЖ"нинг айбловларига қўшилмади.
"Воқеа содир бўлди, бундан қочиб бўлмайди. Мен, аввало, Усмон ва Дезиренинг жароҳатлари, шунингдек, Исландия билан ўйин олдидан икки футболчимизни йўқотаётганимиз учун уларга ачинаман. Биз барча футболчилар билан бўлгани каби, уларнинг кайфиятини ҳисобга олган ҳолда, жуда профессионал ва аста-секин ҳаракат қилдик. Гап-сўз бўлмаслиги учун: "ПСЖ" рақиб эмас, ҳеч қачон рақиб бўлмаган. Умуман олганда, клублар рақиб эмас, гарчи бизнинг манфаатларимиз фарқ қилиши мумкин бўлса-да. Ҳозирда ягона рақибимиз - Исландия," - дея Дешамнинг сўзларини келтиради RMC Sport.
9 сентябрь куни Франция терма жамоаси ЖЧ-2026 саралашида Исландия билан ўйнайди.
