Нуну Эшпириту Санту "Ноттингем Форест"ни тарк этди. Клуб ижтимоий тармоқлар орқали устози билан хайрлашганини маълум қилди. Аввалроқ, португалиялик мутахассис "ўрмончилар" хўжайини Эвангелос Маринакис билан жанжаллашиб қолгани ва шу сабабли истеъфога чиқарилгани ҳақида хабар берилганди.
Нуну Эшпириту Санту 2023 йилнинг декабридан буён "Ноттингем Форест" бош мураббийи сифатида ишлаб келаётганди. У бошчилигидаги жамоанинг асосий муваффақияти Англия Премьер-лигасининг ўтган мавсумида еттинчи ўринни эгаллаш бўлди.













