Лондоннинг "Арсенал" клуби ҳимоячиси Бен Уайт шу ҳафтадаёқ сафга қайтиши мумкин. Бу ҳақда журналист Саймон Коллингс ёзмоқда ва клуб футболчининг тез орада сафга қайтишини ижобий кутиб турганини маълум қилди.
Эслатиб ўтамиз, Уайт АПЛнинг 1-турида "Манчестер Юнайтед"га қарши сафар ўйинида жароҳат олган эди. Ўша ўйин "Арсенал" учун омадли кечди - 1:0. "Лидс" (5:0) ва "Ливерпуль" (0:1) билан ўйинларни Уайт ўтказиб юборди.
"Арсенал" сафида Уайтдан ташқари ҳужумчилар Кай Хаверц ва Габи Жезус, ҳимоячи Вильям Салиба, вингер Букайо Сака ҳамда таянч ярим ҳимоячиси Кристиан Нёргор жароҳат олган.
