Александер Исак "Ньюкасл"дан "Ливерпул"га ўтишдаги муаммолар ҳақида гапирди.

– Йиғин бошлангунга қадар барчаси ҳал бўлганидан ва яна эътиборимни футболга қарата олганимдан хурсандман. Мен учун бу жуда ғайриоддий ҳолат эди, лекин биз ҳар доим режага амал қилган ҳолда ўрганамиз ва маънан ривожланамиз.

Ҳамма ҳам картинани тўлиқ тасаввур қила олмаслиги аниқ, лекин бу ҳақда бошқа сафар гаплашамиз. Бу ўйиндан ва унинг қандай ўтганидан ҳафсалам пир бўлди. Аммо шу билан бирга, клуб учун бўлажак ўйин ҳақида ижобий тасаввурларга эгаман. Бу футболнинг бир қисми. Мен бошқалар нима дейиши ёки ёзишини назорат қила олмайман. Лекин "Ливерпуль" футболчисига айланганимдан хурсандман. Мен шуни хоҳлаган эдим ва жуда хурсандман.

– Бу йил ёзда содир бўлган бирор нарсадан афсусланяпсизми?

– Буни ҳали узоқ муҳокама қилиш мумкин. Бу ибратли бўлди ва мен якуний натижадан мамнунман. "Ливерпуль" футболчиси эканимдан бахтиёрман ва фахрланаман.

– Шерикларингиз билан ўзингиз истагандек хайрлашдингизми?

– Бу вазият ҳақида батафсил тўхталиб, ортиқча гапиришни истамайман. Бу ёпиқ боб, лекин менда ҳеч қачон муаммо бўлмаган", - деди Швеция терма жамоаси ҳужумчиси.