"Тоттенхэм"нинг собиқ бош мураббийи Анге Постекоглу тез орада "Ноттингем Форест"ни бошқаради. Бу ҳақда нуфузли инсайдер Фабрицио Романо маълум қилди.
Манбага кўра, томонлар 2027 йил июнигача меҳнат шартномасини келишиб олган. Тез орада 60 ёшли австралиялик мураббий барча керакли ҳужжатларни имзолайди.
Аввалроқ Постекоглунинг "Ноттингем Форест"га тайинланиши ҳақида журналист Девид Орнштейн маълум қилганди.
Ортда қолган учта турдан сўнг "ўрмончилар" Англия чемпионатида ўнинчи ўринда бормоқда.













