Бразилия терма жамоаси бош мураббийи Карло Анчелотти сентябрь ойида жамоага чақирилмаган "Реал" ҳужумчиси Родриго ҳақида фикр билдирди.
"Родригонинг жамоа ўйинига ҳисса қўша олиши ҳақида айтилаётган гапларнинг барчаси ҳақиқат. Лекин ҳозир 70 футболчини кўриб чиқяпмиз. Биз уларга жисмоний тайёргарлик, техника ва тактика нуқтаи назаридан қараб, жаҳон чемпионатида иштирок этадиган рақобатбардош жамоани шакллантирамиз. Ҳеч кимга жой кафолатланмаган" - деди Анчелотти журналистларга.
Бразилия терма жамоаси сафида 24 ёшли Родриго 33 та ўйинда майдонга тушиб, 7 та гол урди ва 1 та голли узатмани ўз ҳисобига ёздириб қўйди.
