Ҳужумкор ярим ҳимоячи Коул Палмер "Челси"нинг навбатдаги ўйинини ўтказиб юбориши мумкин.
Goal порталининг хабар беришича, Палмер клуб томонидан чоп этилган машғулот кадрларида йўқ. Тахминларга кўра, "кўклар" етакчиси ҳали машғулотларни тикламаган.
Маълумки, Коул Палмер соғлиғи туфайли "Челси"нинг Англия чемпионатидаги сўнгги икки учрашувини ўтказиб юборганди. 13 сентябрь, шанба куни "Челси" АПЛ доирасидаги навбатдаги ўйинини ўтказади.
Шу куни Энцо Мареска шогирдлари меҳмонда “Брентфорд” билан ўйнайди. "Челси" ҳозирда 3 турда 7 очко жамғарган ҳолда АПЛ турнир жадвалида иккинчи ўринда бормоқда.













