"Барселона" ҳужумчиси Ламин Ямал "Олтин тўп" учун курашда мумкин бўлган ғалаба ҳақида фикр билдирди.
"Мен нафақат "Олтин тўп"ни қўлга киритишни, балки кўплаб "Олтин тўп"ни қўлга киритишни орзу қиламан. Бунинг учун менда барча имкониятлар борлигини биламан, агар уни қўлга кирита олмасам, бу фақат нотўғри иш қилганим ёки буни етарлича истамаганим учундир", - деди Ямал.
Жорий мавсумда 18 ёшли Ямал Испания Ла Лигасида учта ўйинда иккита гол урди. Бундан ташқари, у учта голли узатмага ҳам эга. "Олтин тўп"ни топшириш маросими 22 сентябрь куни Парижда бўлиб ўтади.













