Жаҳон чемпионати саралаш турнирининг иккинчи босқичида Арманистон терма жамоаси "Республика" стадионида Ирландия терма жамоаси билан учрашди ва 2:1 ҳисобида ғалаба қозонди.
Учрашувда "Краснодар" клуби ярим ҳимоячиси Эдуард Сперцян биринчи бўлим охирида пенальтини аниқ амалга ошириб, ҳисобни очди.
Егише Меликян шогирдларининг иккинчи голини 51-дақиқада Грант-Леон Ранос киритди.
57-дақиқада меҳмонлар ҳисобдаги фарқни қисқартиришди. "Рома"нинг 20 ёшли ҳужумчиси Эван Фергюсон ўзини кўрсата олди.
F гуруҳида Арманистон терма жамоаси иккинчи ўринни эгаллаб турибди.
ЖЧ-2026 саралаш
Арманистон - Ирландия - 2:1
Голлар: Эдуард Сперцян, 45+1, Грант-Леон Ранос, 51 - Эван Фергюсон, 57
