"Фенербахче" марказий ҳимоячиси Милан Шкриньяр "Милан"га ўтиши мумкинлиги ҳақидаги саволга жавоб берди.
Словакиялик футболчи “россонерилар” билан музокара ўтказмаганини тан олди, бироқ келажакда жамоага ўтиш имкониятини истисно этмади.
"Мен "Милан" билан ҳеч қачон гаплашмаганман, клуб билан ҳеч қандай алоқада бўлмаганман. Агентим ҳам қизиқиш ҳақида билмайди. Лекин имконсиз нарсанинг ўзи йўқ", - дея 30 ёшли футболчининг сўзларини келтиради Milan News.













