"Арсенал" ярим ҳимоячиси Деклан Райс Англия терма жамоасига янги келган Эллиот Андерсоннинг ўйини ҳақида ўз фикри билан ўртоқлашди.
"Ноттингем Форест"нинг 22 ёшли футболчиси 6 сентябрь куни Андоррага қарши ўйинда (2:0) терма жамоа сафида дебют қилган бўлса, уч кундан сўнг "уч шерлар"нинг сербиялик рақибларини мағлуб этишига (5:0) ёрдам берди.
Иккала ҳолатда ҳам ярим ҳимоячи асосий таркибда майдонга тушди. "У учун ҳамма нарса осон кечди.
Эллиот - жамоамизга ажойиб устун. Бизга рақобат керак ва бизга юқори формадаги футболчилар керак", - деди Райс серблар устидан қозонилган ғалабадан сўнг.
