Озарбайжон терма жамоаси бош мураббийи Айхан Аббосов ЖЧ-2026 саралашининг 2-туридан ўрин олган Украинага қарши ўйиндаги дуранг (1:1) ҳақида фикр билдирди.
"Бундай ўйиндан сўнг бир нарса дейиш қийин. Лекин футболчиларга раҳмат айтмоқчиман. Чунки бизда бор-йўғи бир кун бўш вақт бор эди. Мен уларга психологик тайёргарлик, характер ва кураш кўрсатишимиз кераклигини айтдим.
Ҳисоб қандай бўлишидан қатъий назар, уларга раҳмат айтаман. Терма жамоада анчадан бери жанговар руҳ йўқ. Балки футболчилар ҳам босим остида бўлгандир. Мухлисларга бу қийин дамда ёрдам беришди", - дея Аббосовнинг сўзларини келтиради Azerisport.
