"Кристал Пэлас" ҳужумчиси Жан-Филипп Матета қишки трансфер ойнасида клубини ўзгартириши мумкин.
Бу ҳақда TeamTalk хабар бермоқда. Аввалроқ, ОАВ 28 ёшли франциялик футболчига АПЛнинг учта клубидан қизиқиш борлиги ҳақида хабарлар берганди.
Манбага кўра, Матетанинг ўзи "Лидс"га ўтишдан манфаатдор эмас. Шу билан бирга, у фаолиятини "Астон Вилла"да давом эттириш истиқболини жозибадор деб ҳисоблайди.
Жорий мавсумда ҳужумчи барча турнирларда олтита учрашувда учта гол урди.













