"Ливерпуль"нинг қанот ҳужумчиси Федерико Кьеза Италия А Сериясига қайтишдан бош тортди.
La Gazzetta dello Sport нашрининг таъкидлашича, 27 ёшли вингер ёзги трансфер ойнасида уни ижарага олмоқчи бўлган "Интер" ва "Наполи"га ўтмаган. Манбага кўра, Кьеза топ-футболчилар билан рақобатлашиш учун "Ливерпуль"да қолишни истаган. Италиялик ўзини бош мураббий Арне Слот олдида кўрсатишга бел боғлаган.
Англия Премьер-лигасининг жорий мавсумида Кьеза 3 та ўйинда майдонга тушиб, 1 та гол уришга муваффақ бўлди.
