Ҳужумчи Александр Исак "Ливерпуль" билан машғулотларни бошлади. Мерсисайдликлар матбуот хизмати 25 ёшли швецияликнинг машғулот майдонига чиққани акс этган видеони эълон қилди.
"Ишга киришиш вақти келди," - дейилади видеонинг изоҳида.
Хабарингиз бор, Александр Исак ёзги трансфер ойнаси ёпилиши олдидан "Ньюкасл"дан "Ливерпуль"га кўчиб ўтган эди. Исак янги жамоаси билан ҳали машғулот ўтказмаган, чунки у Швеция терма жамоаси қароргоҳига борган.
"Ливерпуль" Премьер-лиганинг навбатдаги учрашувини 14 сентябрь, якшанба куни сафарда "Бёрнли"га қарши ўтказади.
