Осиё футбол конфедерацияси 2026-йилнинг 7–25-январ кунлари Саудия Арабистони мезбонлик қиладиган U-23 Осиё кубоги финал босқичига қуръа ташлаш маросими бўйича маълумот тақдим этди. Унга кўра мазкур тадбир 2025-йилнинг 2-октябр куни Тошкент вақти билан соат 12:00 да Куала-Лумпур шаҳрида бўлиб ўтади.

Қуръада жамоалар 4 та саватчага ажратилган бўлиб, Ўзбекистон U-23 терма жамоаси 1-саватчадан ўрин олган:

1-саватча
Саудия Арабистони (мусобақа мезбони)
Ўзбекистон
Япония
Ироқ

2-саватча
Корея Республикаси
Вьетнам
Австралия
Қатар

3-саватча
Таиланд
Иордания
БАА
Эрон

4-саватча
Хитой
Сурия
Қирғиз Республикаси
Ливан

Маълумот ўрнида, ОФК жамоаларни саватчаларга ажратишда сўнгги учта Осиё кубогида (Таиланд-2020, Ўзбекистон-2022 ва Қатар-2024) эришилган натижаларни ҳисобга олган.

Мазкур мусобақа гуруҳ босқичи, чорак финал, ярим финал, 3-ўрин учун ва финал учрашувларидан иборат бўлади.