"Шахтёр" ва Каталониянинг "Барселона" клублари собиқ ҳимоячиси Дмитрий Чигринский 38 ёшида футболчилик фаолиятини якунлади. Бу ҳақда украиналик футболчининг вакили Александр Панков маълум қилди.
Дмитрий ўтган йилнинг ёзида "Шахтёр"ни тарк этганидан бери эркин агент мақомида эди. Чигринский мураббийлик ишига ўтади. Украиналик футболчи Грециянинг "Арис" клубида Маноло Хименес штабини тўлдиради.
Эслатиб ўтамиз, Чигринский 2009-2010 йилларда "Барселона" шарафини ҳимоя қилган. Украина терма жамоаси сафида ҳимоячи 29 та ўйин ўтказган.













