Миланнинг "Интер" клубига тегишли бўлган 31 ёшли туркиялик ярим ҳимоячи Хакан Чалханўғли клубини ўзгартириши мумкин.
Fichajes хабарига кўра, ярим ҳимоячида ўз ватанига қайтиш варианти бор. Чалхонўғлини Истанбулнинг "Галатасарой" клуби ўз сафига қўшиб олмоқчи. Турк гранди қишки трансфер ойнасида келишувни расмийлаштиришни режалаштирмоқда. Келишув Истанбул клубига ўн миллион еврога тушиши мумкин.
Эслатиб ўтамиз, Хакан 2021 йилнинг ёзидан буён "Интер" шарафини ҳимоя қилиб келмоқда. Ўтган мавсумда Чалханўғли "нерадзуррилар" сафида 47 та ўйинда иштирок этиб, 11 та гол ва 8 та голли узатмани ўз ҳисобига ёздириб қўйган.
