Якшанба куни "Барселона" 2025/2026 йилги мавсумдаги илк уй учрашувини ўтказади.

У "Йохан Кройф" стадионида бўлиб ўтади, чунки "Камп Ноу" ҳали томошабинларни қабул қилишга тайёр эмас.

Sport нашрига маълум бўлишича, янгиланган "Камп Ноу" "Хетафе"га (21 сентябрь) қарши навбатдаги уй ўйинига ўз эшикларини очишга тайёр эмас.

"Барселона" ҳозирданоқ бу учрашувни "Кройф" стадионида ўтказиш устида ишламоқда, гарчи у атиги 6000 мухлисни сиғдира олса ҳам.

Реконструкция қилинган “Камп Ноу”даги илк ўйин учун энг реал сана 28 сентабрь.

Шу куни “Барселона” ўз майдонида “Реал Сосьедад”ни қабул қилади. 1 октябрь куни "Барселона" "ПСЖ"ни қабул қилади ва Лига 1 гиганти ушбу ўйинни "Барса"нинг катта стадионида ўтказиш учун ҳаркат қилмоқда, дея таъкидлайди манба.