«Трабзонспор» ўзининг X ижтимоий тармоғидаги саҳифасида «Манчестер Юнайтед» дарвозабони Андре Онананинг ижара асосида жамоага қўшилганини эълон қилди. Ижара 2025/2026 йилги мавсум якунига қадар амал қилади.
Аввалроқ турк клубининг 29 ёшли дарвозабонни сотиб олиш ҳуқуқига эга эмаслиги ҳақида маълумот берилган эди.
Онана 2023 йил ёзида «Интер»дан «қизил иблислар» сафига қўшилганди. Шу вақтга қадар камерунлик дарвозабон барча мусобақаларда 102 ўйинда майдонга тушди. Улардан 24 тасида дарвозасини дахлсиз сақлаб қолди. Шунга қарамай, ушбу ўйинларда 150 гол ўтказиб юборган. Transfermarkt портали маълумотига кўра, футболчининг бозор қиймати 25 миллион еврога тенг.













