"Барселона" футболчиси Ламин Ямал ўзига нисбатан ирқчилик руҳидаги ҳақоратларга эътибор бермаётганини тан олди.
"Бунга қарши қандай курашаман? Одамлар ҳамма нарсани гапиришлари мумкин, чунки менга, тўғрисини айтсам, барибир. Бу ҳаммага эмас, балки болалигида қийин кунларни бошидан кечирган, қандайдир муаммоларга дуч келган баъзи одамларга хос, билмадим. Йўқ, бу мени хавотирга солмайди," - дея "кўк-анорранглилар"нинг 18 ёшли вингери сўзларини келтиради BarcaTimes.
Ламин Ямал 2023 йилдан бери "Барселона"нинг асосий жамоасида ўйнамоқда. Май ойида испаниялик Каталония гранди билан 2031 йилнинг ярмигача мўлжалланган янги меҳнат шартномасини имзолади.
