"Ювентус" бош мураббийи Игор Тудор А Серия жорий мавсумида чемпионлик учун кураш борасидаги саволга жавоб берди.
"Кекса синьора" 2020 йилдан бери чемпионликни қўлга киритмаган. Туринликлар бошланаётган чемпионатнинг фаворити ҳисобланмайди, аммо Тудор муваффақиятга ишонмоқда.
"Кўриниб турибдики, жамоамиз Скудетто учун курашишга қодир. Мавсум бошида бу ҳақда бир неча жамоавий учрашувларда гапирганман, аммо бу мавзуни бошқа кўтармоқчи эмасман. Мен фақат аниқ нарсалар ҳақида гапиряпман - натижаларга эришиш керак, улар ҳақида гапириш эмас," - деди март ойида ўз лавозимини эгаллаган хорватиялик мутахассис DAZN билан суҳбатда.
