Усмон Дембеле ва Ламин Ямал Европанинг етакчи бешлик лигаларида 2025 йилда энг кўп голда иштирок этган футболчилар учлигидан жой олган. "ПСЖ"нинг француз вингери барча турнирларда клуб ва терма жамоа сафида 37 та ўйинда "гол+ассист" тизими бўйича 38 очко тўплаган бўлса, "Барселона"нинг ёш испаниялик футболчиси ўз жамоаларининг 43 та ўйинида 37 та голда қатнашди, деб хабар беради Score90. Рейтингда фақат Килиан Мбаппе юқори ўринни эгаллаб турибди - у Франция терма жамоаси ва "Реал" сафида 41 та ўйинда 42 та самарали ҳаракат қилган. Кучли бешликдан, шунингдек, Харри Кейн ("Бавария," Англия) ва Рафинья Диас ("Барселона," Бразилия) ўрин олган - 36 тадан.
Уларнинг барчаси "Олтин тўп" учун номзодлар қаторидан жой олди. Мукофот 22 сентябрь куни топширилади.
