35 ёшли ҳужумчи Эннер Валенсия Мексиканинг "Пачука" клуби футболчисига айланди. У икки ярим йиллик шартнома имзолади.

Валенсиянинг собиқ клуби Бразилиянинг "Интернасьонал" жамоаси эди. Бунгача унинг фаолиятида "Эвертон", "Вест Хэм", "Тигрес", "Фенербахче" клублари бўлган. "Пачука" сафида эса Валенсия 2014 йилда, 11 йил олдин тўп сурган.

Валенсия - Қатардаги жаҳон чемпионати қаҳрамонларидан бири, у Эквадор ва Қатар терма жамоалари ўртасидаги ўйинда ушбу турнирнинг биринчи голига муаллифлик қилган. Ҳаммаси бўлиб Эннер ўз мамлакати терма жамоаси сафида 100 та ўйинда майдонга тушиб, 47 та гол урган.

Transfermarkt портали футболчини бор-йўғи 1,7 млн еврога баҳоламоқда.