"Ювентус" бош мураббийи Игор Тудор ҳужумкор ярим ҳимоячи Кенан Йилдизнинг муваффақиятлари ва истиқболлари ҳақида қандай фикрда эканини айтди.
20 ёшли турк "бьянконерилар"нинг асосий юлдузларидан бири даражасига кўтарилди, аммо мураббийнинг сўзларига кўра, у сезиларли даражада ўсиши мумкин.
"Йилдиз ҳар доим ҳамма нарсани тўғри қилади, уни ажойиб мотивация ажратиб туради. Унда топ-ўйинчи бўлиш учун ҳамма нарса бор," - деди Тудор DAZN’га берган интервьюсида.
Кенан Йилдиз туринликлар сафида жорий мавсумнинг икки ўйинида иккита ассистни ўз ҳисобига ёздириб қўйди.
