Ёзда Жэйдон Санчони "Ювентус"га ўтиш билан боғлашганди, аммо келишув амалга ошмади. Трансфер ойнаси ёпилишидан олдин "Манчестер Юнайтед" вингери "Астон Вилла"га йўл олди ва у ерда мавсумни ижара асосида ўтказади.
Инсайдер Фабрицио Романонинг сўзларига кўра, кўплаб миш-мишларга қарамай, "кекса синьора" инглиз билан шартнома имзолашга яқин бўлмаган. Трансферлар бўйича мутахассиснинг таъкидлашича, туринликлар 25 ёшли футболчига ҳатто таклиф ҳам бермаган. "Ювентус" молиявий талаблар ҳақида хабар топгач, Санчонинг номзодини рад этди.
Жэйдон Санчога "Рома" ҳам даъвогарлик қилганди. Яқинда Клаудио Раньери римликлар нима учун музокаралардан чиқишга мажбур бўлганини айтди.
