Ҳозирда "Кадис" шарафини ҳимоя қилаётган испаниялик футболчи Сусо фаолиятининг бошида "Реал"га ўтишга яқин келганини эслади.
"Фаолиятимнинг бошида "Реал"га ўтишга яқин эдим. Мен "қаймоқранглилар" билан битимни деярли тўлиқ келишиб олгандим.
Аммо якунда "Ливерпуль"га ўтишга қарор қилдим. Фаолиятимни бу клубда давом эттириш "Ливерпуль"нинг даражаси, АПЛ ва инглиз маданияти туфайли менга ўзгача бўлиб туюлди. Ўша пайтда менда ҳар доим Испанияга қайтиш имконияти бўлади, деб ўйлагандим", - деди 31 ёшли қанот вингери.
Сусо "Кадис" тарбияланувчиси ҳисобланади. У "Ливерпуль", "Милан" ва "Севилья" каби клубларда ҳам ўйнаган.
