"Монако" бош мураббийи Ади Хюттер Лига 1 4-туридан ўрин олган "Осер"га қарши ўйин олдидан журналистлар билан суҳбатлашди. У ушбу баҳсда вингер Ансу Фати ўйнайдими ёки йўқлигини айтди.
"Ансу Фати жамоага қайтиш ва майдонда дебют қилишга жуда яқин турибди. Шундай бўлса-да, уни "Осер"га қарши ўйинда майдонга туширишга ҳали эрта деб ҳисоблайман, аммо у "Брюгге"га қарши баҳс қайдномасига кириши, кейин эса "Мец"га қарши майдонга тушиши эҳтимоли бор. Ўз тажрибамдан ва собиқ футболчи сифатида шуни айтишим мумкинки, узоқ танаффусдан сўнг ўйинларга қайтиш сабр талаб қилади," - дейди Хюттер.
Эслатиб ўтамиз, "Осер"га қарши ўйин 13 сентябрь, шанба куни бўлиб ўтади. "Брюгге" ва "Мец"га қарши ўйинлар мос равишда 18 ва 21-саналарга белгиланган.
