Аргентиналик юлдуз ҳужумчи Лионель Месси рақиб дарвозаси олдида яратилган голли вазиятлар сони бўйича Европанинг энг яхши 5 та чемпионати футболчилари рейтингида биринчи ўринни эгаллади. Бу ҳақда Statmuse портали хабар бермоқда.

Эълон қилинган маълумотларга кўра, Месси 2015-16 йилги мавсумдан буён Испания Ла Лигасида "Барселона" ва Франция чемпионатида "ПСЖ" сафида жами 226 та гол уриш имкониятини яратган (301 та ўйинда).

Иккинчи ўринни "Манчестер Сити" сафида узоқ йиллар тўп тепган Кевин де Брюйне 222 та голли вазият яратиш кўрсаткичи билан (323 ўйин) эгаллаган. Кучли учликни эса Мюнхеннинг "Бавария" жамоасида ўйнаган Томас Мюллер 338 ўйинда 171 та голли вазият яратиб якунлаган.

Португалиялик Криштиану Роналду эълон қилинган энг яхши 25 та ўйинчи рўйхатига кирмаган.