Argentinalik yulduz hujumchi Lionel Messi raqib darvozasi oldida yaratilgan golli vaziyatlar soni bo‘yicha Yevropaning eng yaxshi 5 ta chempionati futbolchilari reytingida birinchi o‘rinni egalladi. Bu haqda Statmuse portali xabar bermoqda.
E’lon qilingan ma’lumotlarga ko‘ra, Messi 2015-16 yilgi mavsumdan buyon Ispaniya La Ligasida "Barselona" va Fransiya chempionatida "PSJ" safida jami 226 ta gol urish imkoniyatini yaratgan (301 ta o‘yinda).
Ikkinchi o‘rinni "Manchester Siti" safida uzoq yillar to‘p tepgan Kevin de Bryuyne 222 ta golli vaziyat yaratish ko‘rsatkichi bilan (323 o‘yin) egallagan. Kuchli uchlikni esa Myunxenning "Bavariya" jamoasida o‘ynagan Tomas Myuller 338 o‘yinda 171 ta golli vaziyat yaratib yakunlagan.
Portugaliyalik Krishtianu Ronaldu e’lon qilingan eng yaxshi 25 ta o‘yinchi ro‘yxatiga kirmagan.













