Мадриднинг "Реал" клуби ўзининг расмий веб-сайтида ҳимоячи Антонио Рюдигернинг соғлиғи ҳақида баёнот эълон қилди. Германиялик футболчи "қаймоқранглилар" шифохонасига ётқизилди.
Текширув натижаларига кўра, Рюдигернинг чап оёғи сон тўғри мушагида шикастланиш аниқланди. "Реал" 32 ёшли германиялик футболчининг тикланиш муддатини маълум қилмаяпти.
Антонио Рюдигернинг "Реал" билан амалдаги шартномаси 2025/2026 йилги мавсум охиригача мўлжалланган. Тарқалган миш-мишларга кўра, меҳнат шартномаси узайтирилмайди ва Рюдигер келаси ёзда жамоани тарк этади.













