Мадриднинг "Реал" клуби ҳужумчиси Эндрикни ҳамон ижарага кетиши мумкинлиги билан боғлашмоқда.
19 ёшли футболчи ҳужумдаги рақобатни ҳисобга олган ҳолда "қаймоқранглилар"нинг асосий таркибига кириши қийин бўлади, олган жароҳати эса вазиятни янада оғирлаштирди. Transfer News Live’нинг Defensa Central’га таяниб хабар беришича, "Валенсия" ва "Сельта" истиқболли форвардни ижарага олишни истамоқда. Трансфер январда, қишки трансферлар ойнаси очилганда амалга ошиши мумкин.
Эндрик сонидан олган жароҳати туфайли май ойидан бери майдонга тушмаяпти. Футболчининг машҳур Transfermarkt сайтидаги тахминий нархи 35 млн евро бўлиб, "Реал" билан шартномаси 2030 йилнинг ярмигача мўлжалланган.
