"Манчестер Сити" ҳужумчиси Эрлинг Холанд жамоа таркибидаги ўзгаришлар ҳақида гапирди.
Ўтган ёзда "шаҳарликлар" 200 млн евродан кўпроқ маблаққа футболчилар харид қилган бўлса, сотувлардан 70 млн атрофида даромад кўрганди.
"Кўплаб муҳим ўйинчилар кетди ва энди янги келганлар ўз сўзини айтиши керак. Бу ерда узоқ вақтдан бери ўйнаётган барча, жумладан, мен ҳам масъулиятни ўз зиммамга олишим ва янги ўйинчиларнинг жамоага тезроқ қўшилишига ёрдам беришим керак. Баъзилар учун янги шароитларга мослашиш учун вақт талаб этилади - бу нормал ҳолат."
"Биз бир-биримизга ёрдам беришимиз керак. Ўтмиш - бу ўтмиш. Биз энди аввалгидек жамоа эмасмиз, бошқача бўлиб қолдик. Бундан унумли фойдаланиш керак, чунки энди бизда бошқа фазилатлар бор," - дея Холанднинг сўзларини келтиради City Report.
