Мюнхеннинг «Бавария» клуби спорт директори Кристоф Фройнд француз ҳимоячиси Дайо Упамекано билан шартномани узайтиришдан умидвор эканини билдирди.
Айни пайтда футболчининг амалдаги шартномаси 2026 йил 30 июнда ўз ниҳоясига етади. Клуб уни узайтириш бўйича музокаралар олиб бормоқда.
«Упа — ажойиб ўйинчи ва ярқин шахсият эгаси. У «Бавария»да унга нима кераклигини яхши билади. Албатта, биз узоқ муддатли ҳамкорликка умид қиламиз», — дея Фройнднинг сўзларини Sky Sports келтиради.
Фройнд қўшимча қилиб, клуб музокаралар учун аниқ муддат белгиламаганини таъкидлади.
