Франция терма жамоасининг собиқ ярим ҳимоячиси Жером Ротен мухлислар томонидан Адриен Рабьога нисбатан ҳуштакбозликларга ҳайрон бўлмасликка чақирди.
Эслатиб ўтамиз, Рабьо яқинда жамоадоши Жонатан Роу билан муштлашиб кетгани учун «Марсель» томонидан трансферга қўйилган эди.
«Унинг характери ва бутун карьерасини кўриб, бу йигит терма жамоа ўйинларидаги ҳуштакбозликларга хафа бўлмаслиги керак», — дея Ротеннинг сўзларини RMC Sport келтиради.
Мутахассиснинг фикрича, агар Рабио ўзини ҳурмат қилишларини истаса, у ҳам атрофдагиларни ҳурмат қилиши зарур. Шунингдек, Ротеннинг таъкидлашича, агар Рабьо ҳалигача аниқ изоҳ бермаган бўлса, бу унинг айби борлигини англатади.
