Лондоннинг «Тоттенхэм» клуби бош мураббийи Томас Франк Ив Биссума келажаги ҳақида гапирди.
Аввалроқ «шпорлар» хавбекни Туркия ёки Саудия Арабистони клубларига сотиши мумкинлиги ҳақида хабарлар тарқалган эди.
«Агар ҳозир кимдир жамоани тарк этса, ҳайратда қоламан. Биссума — жамоанинг бир қисми», — дея Франкнинг сўзларини машҳур инсайдер Фабрицио Романо келтиради.
Эслатиб ўтамиз, 29 ёшли футболчи жорий мавсумда ҳали майдонга тушмади. Унинг «Тоттенхэм» билан амалдаги шартномаси 2026 йил ёзигача мўлжалланган. Transfermarkt маълумотларига кўра, Биссума трансфер нархи 25 миллион еврони ташкил қилади.
