Londonning «Tottenxem» klubi bosh murabbiyi Tomas Frank Iv Bissuma kelajagi haqida gapirdi.
Avvalroq «shporlar» xavbekni Turkiya yoki Saudiya Arabistoni klublariga sotishi mumkinligi haqida xabarlar tarqalgan edi.
«Agar hozir kimdir jamoani tark etsa, hayratda qolaman. Bissuma — jamoaning bir qismi», — deya Frankning so‘zlarini mashhur insayder Fabrisio Romano keltiradi.
Eslatib o‘tamiz, 29 yoshli futbolchi joriy mavsumda hali maydonga tushmadi. Uning «Tottenxem» bilan amaldagi shartnomasi 2026 yil yozigacha mo‘ljallangan. Transfermarkt ma’lumotlariga ko‘ra, Bissuma transfer narxi 25 million yevroni tashkil qiladi.













