Испаниялик ярим ҳимоячи Мартин Субименди Лондоннинг «Арсенал» клуби сафидаги илк голини киритди. Бу гол Англия Премьер-лигасининг 4-турида «Ноттингем Форест»га қарши баҳсда қайд этилди.
Субименди ёзги трансфер ойнасида «Арсенал»га «Реал Сосьедад»дан 70 миллион евро эвазига қўшилган эди. Ушбу баҳс испаниялик футболчи учун «канонирлар» таркибидаги бор-йўғи тўртинчи ўйин бўлди.
32-дақиқада Субименди жамоаси учун ҳисобни очди — у жарима майдони ташқарисидан ҳаводан келаётган тўпни тўхтатмасдан, дарвозабон Матц Сельс дарвозасига жойлаб қўйди.
