«Барселона» бош мураббийи Ханс-Дитер Флик матбуот анжуманида Тьяго Алькантаранинг мураббийлар штабига қайта қўшилгани ҳақида фикр билдирди.

«Мен Тьягонинг қайтганидан жуда хурсандман. Бу хабар бутун жамоа ва штабни ҳам қувонтирди. Уни кўндириш осон бўлмади – бунда унинг турмуш ўртоғи Хулия ҳам катта роль ўйнади. Унинг катта тажрибаси бор ва бу тажрибани ёш футболчиларга етказиб беришга қодир. У бизнинг муваффақиятимизда муҳим бўлакка айланиши мумкин», – деди Флик журналистларга.

Эслатиб ўтамиз, 2024 йил ёзида ҳам Тьяго Флик штабига қўшилган эди, аммо ўша вақтда ҳамкорлик фақат бир ой давом этган.

Футболчи сифатида Тьяго «Барселона» сафида 100 ўйин ўтказган, 11 гол урган ва 19 голли узатма амалга оширган.