Италия А сериясининг 3-туридан ўрин олган «Ювентус» – «Интер» баҳси якунланди. Учрашув Туриндаги «Альянц Арена» стадионида бўлиб ўтди. Майдон эгалари 4:3 ҳисобида ғалаба қозонишди.

Учрашув ҳисобини туринликлар ҳимоячиси Ллойд Келли 14-дақиқада очди. «Интер» яримҳимоячиси Хакан Чалҳаноғлу 30-дақиқада ҳисобни тенглаштирди. Орaдан 8 дақиқа ўтиб, «Ювентус» турк ҳужумчиси Кенан Йилдиз узоқ масофадан йўллаган зарбаси билан жамоасини яна олдинга олиб чиқди.

Иккинчи бўлимда Чалҳаноғлу яна бир гол уриб, дублни қайд этди. 76-дақиқада «Интер» ҳужумчиси Маркус Тюрам тўп киритиб, миланликларни ҳисобда олдинга олиб чиқди. Бироқ 83-дақиқада «Ювентус» хавбеки Кефрен Тюрам-Юльен ҳисобни яна тенглаштирди. Учрашув тақдирини эса 90+1-дақиқада Василие Аджичнинг узоқдан берган зарбаси ҳал қилди — 4:3.

Ушбу ғалабадан сўнг «Ювентус» 3 турдан кейин 9 очко жамғариб, турнир жадвалида биринчи ўринни эгаллаб турибди. «Интер» эса 3 очко билан 11-поғонада жойлашган.

Италия — А Серия. 3-тур
13 сентябрь 2025, шанба. 21:00
«Ювентус» (Турин) - «Интер» (Милан) - 4:3
Голлар: 1:0 — Келли, 14’; 1:1 — Чалҳаноғлу, 30’; 2:1 — Йилдиз, 38’; 2:2 — Чалҳаноғлу, 65’; 2:3 — Тюрам, 76’; 3:3 — Тюрам-Юльен, 83’; 4:3 — Аджич, 90+1’.