Мюнхеннинг “Бавария” жамоаси ўз майдонида “Гамбург”ни қабул қилиб, Бундеслига 3-тур учрашувида 5:0 ҳисобида йирик ғалаба қозонди.

Учрашувнинг 3-дақиқасидаёқ Серж Гнабри ҳисобни очди, 9-дақиқада эса Александр Павлович ҳисобдаги фарқни оширди. Луис Диас 29-дақиқада яна бир гол урди. Харри Кейн 26-дақиқада пенальтини аниқ ижро этди ва 62-дақиқада учрашувдаги иккинчи голини киритиб, дублни расмийлаштирди.

Ушбу ғалабадан сўнг “Бавария” 9 очко билан турнир жадвалида биринчи ўринга кўтарилди. “Гамбург” эса бир очко билан 17-поғонада қолмоқда.

Бавария - Гамбург - 5:0
13.09.2025, 21:30, «Allianz Arena»
Голлар: Гнабри, 3 (1:0). Павлович, 9 (2:0). Кейн, 26 - пенальтидан (3:0). Диас, 29 (4:0). Кейн, 62 (5:0)
Бавария: Нойер, Упамекано (Рафаэл Геррейру, 46, Бишоф, 63), Та, Станишич, Лаймер, Киммих, Павлович, Гнабри (Джексон, 46), Диас (Боэ, 76), Олисе, Кейн (Карл, 64)
Гамбург: Ойер Фернандеш, Вушкович, Сумаоро (Эльфадли, 46), Омари, Ремберг, Капальдо (Мефферт, 46), Мухайм, Микельбренсис, Рессинг-Лелесиит (Филипп, 46), Виейра (Глатцель, 76), Кенигсдерффер (Бальде, 76)
Огоҳлантиришлар: Упамекано, 27. Павлович, 90 - Сумаоро, 1. Мухайм, 86