World Boxing томонидан Англиянинг Ливерпул шаҳрида ўтказилаётган Бокс бўйича жаҳон чемпионати-2025 да барча ярим финал жанглари якунланди. Уларнинг натижасига кўра, финал жуфтликлари шаклланди.
Финалда энг кўп вакил билан Қозоғистон ва Ўзбекистон иштирок этади — ҳар бири 8 нафардан. Шунингдек, Бразилия — 4 нафар, Ҳиндистон ва Польша — 3 нафардан, Туркия, Австралия ва Англия — 2 нафардан, Франция, Монголия, Испания, Япония, Болгария, АҚШ, Хитой Тайпейи ва Ирландиядан эса биттадан боксчи финалга йўл олди.
Шунингдек, учта финал жанги аллақачон бўлиб ўтди: «олтин» медалларни Ўзбекистон, Ҳиндистон ва Польша боксчилари қўлга киритди. Ҳиндистон ва Польшага яна биттадан «кумуш» медал ҳам насиб этди, яна бир «кумуш» эса Болгария вакили ҳиссасига тўғри келди.
Эркаклар
50 кг: Санжар Ташкенбай (Қозоғистон) — Баттулга Алдархишиг (Монголия)
55 кг: Маҳмуд Сабирхан (Қозоғистон) — Рафаэль Лосано Серрано (Испания)
60 кг: Абдумалик Халоков (Ўзбекистон) — Луис Габриэл де Оливейра (Бразилия)
65 кг: Юри Фалкао душ Рейс (Бразилия) — Асадхўжа Муйдинхўжаев (Ўзбекистон)
70 кг: Торехан Сабирхан (Қозоғистон) — Севон Окадзава (Япония)
75 кг: Фазлиддин Эркинбоев (Ўзбекистон) — Рами Киван (Болгария) — 5:0
80 кг: Жавоҳир Умматалиев (Ўзбекистон) — Йожерлен Сезар (Франция)
85 кг: Акмалжон Исроилов (Ўзбекистон) — Тигн Стотт (Англия)
90 кг: Исаяс Сантос Рибейро Фильо (Бразилия) — Тўрабек Ҳабибуллаев (Ўзбекистон)
90+ кг: Айбек Оралбай (Қозоғистон) — Жаҳонгир Зокиров (Ўзбекистон)
Аёллар
48 кг: Назим Қизайбай (Қозоғистон) — Минакши (Ҳиндистон)
51 кг: Алуа Балкибекова (Қозоғистон) — Бусеназ Чақироғлу (Туркия)
54 кг: Йоселин Перес (АҚШ) — Хуан Сяовэнь (Хитой Тайпейи)
57 кг: Жасмин (Ҳиндистон) — Юлия Шеремета (Польша) — 4:1
60 кг: Ребека де Лима Сантос (Бразилия) — Анета Ригельска (Польша)
65 кг: Аида Абикеева (Қозоғистон) — Навбаҳор Ҳамидова (Ўзбекистон)
70 кг: Наталья Богданова (Қозоғистон) — Лекейша Перголити (Австралия)
75 кг: Бюшра Ишилдар (Туркия) — Эойфе О’Рурк (Ирландия)
80 кг: Эзета Флинт (Австралия) — Эмили Эсквит (Англия)
80+ кг: Агата Качмарска (Польша) — Нупур (Ҳиндистон) — 3:2
