Килиан Мбаппе ва Арда Гюлер жорий мавсумда яратилган голли имкониятлар сони бўйича Европанинг бешта етакчи лигалари футболчилари рейтингида етакчилик қилмоқда.
Франциялик ва туркиялик футболчилар Ла Лиганинг шанба кунги "Реал Сосьедад"га (2:1) қарши ўйинида асосий қаҳрамонлардан бирига айланишди: иккаласи ҳам биттадан гол уришди. WhoScored маълумотига кўра, айни дамда Мбаппе ва Гюлер жорий мавсумда кучли бешликнинг барча вакиллари орасида зарбалар билан якунланаётган паслар сони бўйича етакчилик қилмоқда - 14 тадан. Кейинги ўринларда Бруну Фернандеш ("Манчестер Юнайтед"), Николья Пепе ("Вильярреал") ва Мэйсон Гринвуд ("Марсел") - 12 тадан.













